Треба да внимавате на првите знаци на криза, бидејќи ако подолго ги занемарувате нетрпеливоста и неразбирањето, тие можат одеднаш да експлодираат и да ја уништат врската.

На почетокот секоја љубовна приказна изгледа едноставно и непосредно. Се разбираме и лесно ги изразуваме чувствата, внимателни сме и полни со разбирање со желбите на партнерот. Подоцна, кога односите ќе се зацврстат или кога ќе се одлучиме на заеднички живот, се раѓаат првите тешкотии. Прво што треба да направите е искрено да разговарате со партнерот. Уште подобро е навреме да го препознаете и избегнете погрешното однесување, кое може да го уништи животот во двојка.

НЕЈЗИНИ ГРЕШКИ

Љубоморна е и го контролира секој негов чекор
Секој негов телефонски разговор и е сомнителен, а кога тој е излезен, ја обземаат страв и грижи. Што ако состанокот е изговор измислен за да се сретне со некоја друга девојка? Безсмислен е обидот болната љубомора да се објасни со разумни аргументи. Контролирањето и следењето се израз на болната поврзаност и се симптом за силното чувство на помала вредност. Треба да постигнете склад меѓу чувствата и пред се повеќе да верувате во себе.

И дома постојано размислува за работа
Постојано зборува за работата и се жали: напорно работно време, постојани состаноци, несогласувања со колегите. Дури и во моментите за одмор постојано размислува за работата. Претераното истакнување на сопствените активности го открива стравот дека можеби не сме доволно важни, а говори за тешкотиите во остварување цврсти односи со другите луѓе и ослободување на насобраната напнатост. Опсипување на партнерот со сопствените проблеми не е добра стратегија. Идеално би било да се постави граница меѓу приватниот живот и оној надвор од дома и во секој човек да се пронајде позитивната страна.

Внимание само кон детето
Откако се родило таа не гледа никој освен детето. На мажот му подарува само трошка внимание. За накои жени детето станува единствена врска меѓу неа и партнерот. Затоа, добро е да се преиспитате и да проверите дали претерувате. Кога сме во тројка љубовт треба рамномерно да се распореди за мажот да не се чувствува исклучен од привилегираниот однос мајка - дете.

За се одлучува сама
Одлучна е и строга. За се има свое мислење и секогаш знае што сака. Не поднесува наметнување, а на себе ги презема сите организациски задачи, води сметка за семејниот буџет и доминира во односот. Оној што го исклучува партнерот од донесувањето одлуки покажува страв од натпревар и може да предизвика опасно ривалство. Откажувањето од дел од власта не значи губење на сопствената улога во односот. Напротив, тоа само ќе ги олесни обрските и ќе покаже доверба кон другиот.

Секогаш бара тој да и поднесува сметка
Многу жени се опседнати со желбата се да знаат за својот маж, го шпионираат, се распрашуваат, комбинираат... Инсистирањето тој секогаш да и дава „сметка“ за секоја ситница и секогаш да биде отворен кон неа ќе се претвори во големо оптоварување. За него и за неа. Тој несвесно ќе почне пред неа да ја сокрива и најневажната работа, ќе се затвори во себе, а таа ќе беснее што тој не и се доверува. Запомнете дека човек секогаш треба нешто да задржи за себе. Малите тајни во врската и го даваат неповторливиот шарм, а таква врска е далеку посилна кога ќе се појават проблеми.

Се му „шлапнува“ во лице
Таа никогаш не се двоуми кога нешто и пречи, не избирајќи зборови веднаш тоа и да го каже. Подобро би било кога пред да изреагира малку да се „олади“  и тогаш да поразговара за проблемот. Со таква тактика и него ќе го „омекне“. Ако го нападне во истиот момент, тој ќе одговори со противнапад или ќе ја тресне вратата зад себе.

НЕГОВИ ГРЕШКИ

Веќе подолг период не мисли на нежност
Таа би сакала тој да е нежен, љубезен, непогрешлив во сите ситници и да ги задоволува нејзините желби, а тој на сето тоа не мисли премногу. Подобро е веднаш да се побуните и да ја изразите желбата за внимание, бидејќи потиснатата напнатост одеднаш може да експлодира. Ако се чувствувате лошо, подобро е да поразговарате за тоа без обвинување.

Кон другите жени се однесува како донжуан
На улица се врти по секоја девојка, настојува да го привлече нејзиното внимание, премогу зборува. Накусо, неговото однесување е непристојно. Треба да откриете зошто го прави сето тоа. Му се допаѓаат ли други жени? Ги гледа како предизвик или како да испраќа порака на сопствената партнерка? Треба да му дадете до знаење дека претерувањето има спротивен ефект. И можеби понекогаш да му вратите, за сам да почувствува колку непријатно е тоа.

Никогаш не помага во домашните обврски
Јасно изразете ја желбата и тој да учествува во домашните обврски: „Јас ќе подготвам ручек , ти намести ја масата“, „Јас ќе пружам алишта, а ти оди и плати ги сметките“. Важно е да не ги сокривате очекувањата и желбите, туку на пристоен начин да предизвикате одредено однесување, кое со тек на време тоа ќе стане спонтано.

Не се грижи за децата
Децата си играат, одат на училиште, настинуваат. Но, него тоа не го загрижува бидејќи многу работи и „доволна е мама“. За да се избегне оваа ситуација од самиот почеток треба да го вклучиме во грижата на децата. Мажот треба да се почувствува одговорен. За да се избегне оваа ситуација од самиот почеток треба да го вклучиме во грижата на децата, да го облекува детето, да разговара со наставниците, да го води детето на некоја активност или кај другарите. Родителите мора да бидат сложни во начинот на одгледувањето, што не значи да ги сменат улогите, бидејќи секој треба да ја задржи својата.

Вечерите ги поминува пред телевизор
Досадата набргу пристигна. Порано секоја недела ја поминувавше со неа, а сега оди на стадион со пријателите, а навечер постојано гледа телевизија. На почеток партнерот беше полн со иницијатива, внимателен и нежен. Безсмислено е да се однесувате како ништо да не се случува, надевајќи се дека тој ќе се промени и дека со време сè ќе си дојде на свое место. Само со разговор може да внесете живост во односите.

Прочитајте повеќе