Љубомората е ужасна работа. Секој пат кога вашата девојка или вашиот дечко ќе ви каже дека ќе излезе со другарите/ките секакви мисли ви поминуваат низ глава. Ви се грчи стомакот секој пат кога партнерот ќе спомне пријател од спротивниот пол или пак некој од своите бивши, но ова никаде нема да ве доведе, може само да ја претвори вашата убава врска во параноја. Како да се ослободите од љубомората? Вие го сакате и обожавате вашиот партнер, па зошто тогаш не би го сакале и другите?

Иако љубомората е нормална емоција, постои разлика помеѓу љубомора која не е опасна и неконтролирана љубомора која ќе ја уништи врската исто како изневерувањето. Еве некои наши совети за полесно да се справите со љубомората:

Разговарајте со некој трет
Нека биде некој ваш искрен пријател кој не е многу близок со вашиот партнер. Прашајте го за мислење, кажете му што чувствувате и нека ви каже дали тој од страна гледа причина да бидете љубоморни. Можеби заслепени од ова чувство не ги гледате реално работите, и без причина се мачите и себе си и вашиот партнер.

Направете само-оценување
Ова не значи да го оценувате својот физички изглед, туку своите постапки. Размислете зошто сте љубоморни - можеби во минатото сте изневерувале во некоја мината врска или ве изневериле, па сега сте посклони кон сомничавост и љубомора? Или сте под стрес?

Работете на себе
Откако размисливте за своите емоции и размислувања, поработете на нив. Љубомората е внатрешно чувство, и најчесто е поврзана со ниско вреднување на сопствените квалитети. Потсетете се колку вредите, фактот што партнерот е со вас значи дека сте ги победиле сите останати потенцијални партнери на светот. И никој не може да ви го земе бидејќи сте во предност.

Внимавајте на идните испади на љубомора
Ако сте повторно љубоморни на некој од спротивниот пол, седнете, размислете и анализирајте ја ситуацијата. Размислете зошто се чувствувате загрозен од таа личност. Потсетете се во што сте подобри од неа и секогаш мислете на тоа дека вашиот партнер ве избрал вас. Ќе видите дека толкав страв и силна љубомора се неоправдани.

Прочитајте повеќе