Бидете свои и покажете што навистина ви е важно. Има повеќе нивоа на интимност и не морате веднаш на првиот состанок да кажете сè за себе. Но, бидете природни и не грижете се, покажете какви сте навистина.

Повеќето од нас сонуваат за партнер кој безусловно ќе ги сака. Но, кога треба да почнеме врска, често сакаме да го прескокнеме делот кој се однесува на запознавањето и пребргу скокнуваме од флерт во љубова романса. Проблемот е во тоа што ставот „да поминеме веднаш на работа“ ја прескокнува интимноста. Секако, излегувањето со луѓе може да биде застрашувачки како на испит на кој не ги знаеме одговорите на прашањата: „Дали да го направам првиот чекор?“ или „Дали е заинтересиран/а за мене?“ Но, запознавањето со вистинската љубов не треба да биде застрашувачко. Овие совети може да ви помогнат да ја пребродите почетната вљубеност и да ве доведат до искрена и вистинска љубов.

Заземете позитивен став
Понекогаш љубопитноста околу тоа кој е вистинскиот партнер за нас толку нè отапува што едноставно забораваме да се забавуваме со личноста со која сме излезени. Не гледајте на состаноците како на средство за постигнување на целта, туку како процес во кој уживате. Вообичаено го добиваме она што го бараме, па затоа зацртајте си дека добро ќе се забавувате и најверјатно тоа ќе ви се случи.

Не чекајте прв/а да ве праша
Едно е да верувате во тоа дека вашиот идеален партнер е некаде надвор, но нешто сосема друго е да чекате да ви се појави пред врата. Сè ќе се среди кон остварување на желбите, но ако првин самите си помогнете. Наместо да чекате да бидете избрани, излезете надвор и самите избирајте. Нема да згрешите ако некого викнете на вечера или на кафе. А ако тоа го направите опуштено, ни вие ни тој/таа нема да бидете под притисок.

Пријателството нека ви биде цел
Среќните брачни двојки ќе ви кажат дека пријателството е она што ја поврзува долговечната љубов. Затоа излегува дека пријателството е најдобар начин да почнете романса. Но, ако ви стане јасно дека вашата љубов е повеќе платонска отколку романтична, сметајте го тоа како добра шанса подобор да го запознаете машкиот начин на размислување. Дури и ако не ви е сродна душа, момчето со кое сте излегувале може да ви стане добар пријател, кој може да го повикате за во кино или како придружник на свадба.

Бидете свои
Ако сакате да се прикажете во најдоброто светло, тогаш не го прикривајте своето мислење, своето минато или она што ви се допаѓа или не ви се допаѓа. Бидете свои и покажете што навистина ви е важно. Секако, постојат повеќе нивоа на интимност и не морате веднаш на првиот состанок да кажете сè за себе. Но, бидете природни и не грижете се, покажете какви сте навистина.

Вклучете го/ја во друштвото
Немојте да ги претворите излегувањата во посебен дел од животот. Наместо тоа, вклопете го/ја во својот друштвен живот како кога излегувате со другар/ка. Кога ќе почнете да размислувате: „морам да си најдам момче/девојка“, својата потреба за партнер/ка ја ставате пред сè друго. Освен тоа, може да дејствувате очајно и така да ги одбивате другите од себе. Немојте да избегнувате излегувања на места кои каде што одат вашите блиски. Начинот на кој тој/таа ќе комуницира со луѓето што ги сакате може многу да каже за тоа каква личност всушност е тој/таа.

Прочитајте повеќе