Целосната искреност често се истакнува како еден од најважните предуслови за квалитетна љубовна врска. Јасно е и зошто. Кога станува збор за големи животни одлуки, едноставно нема простор за избегнување и криење на вистинските чувства. Финансии, работа, долгорочни планови, верност - ова се само дел од темите за кои секогаш мора отворено и без лаги да се разговара.Меѓутоа, што да се прави во некои сосема безопасни ситуации кога искреноста потенцијално може да создаде непотребен конфликт или да разбуди несигурност кај партнерот? Тогаш ќе им ја задржиме вистината или ќе ја омекнеме.Експертите таквиот начин на комуникација го нарекуваат измамничка наклонетост. Имено, таа мала бела лага или криење на вистината произлегува исклучиво поради љубовта што ја чувствуваме кон партнерот и желбата да не го повредиме. Не само што нема да и наштети на врската, туку може дури и да ја зацврсти врската.
Прочитајте во продолжение во кои незгодни ситуации можете слободно да го лажете партнерот.
1. КОГА ТЕ ПРАШУВА ЗА БИВШИОТ
Често мислиме дека можеме без проблем да се справиме со разговорот за поранешните девојки на нашиот партнер, а потоа слушаме нешто за нив што повеќе би сакале да го избришеме од меморијата во истата секунда. Зборувањето за поранешните партнери лесно може да создаде чувство на несигурност, да поттикне споредување со нив и да предизвика љубомора.
Затоа, внимателно дозирајте информации за вашите бивши на вашиот нов партнер, особено ако на почетокот сте свесни на што е чувствителен и што би можело да предизвика недостаток на самодоверба. Од друга страна, некои жени едноставно не чувствуваат потреба да зборуваат за своите поранешни партнери и нивно право е да ги задржат работите за себе ако сакаат. Не мора да се чувствувате виновни ако чувствувате потреба да ги премолчите работите од вашето минато.
2. КОГА НЕГОВИТЕ ПРИЈАТЕЛИ НЕ СЕ ЗА ТЕБЕ
Уште од самиот почеток, важно е да се забележи дека имате целосно право да се жалите на пријателите на вашиот партнер ако тие се однесуваат грубо со вас, ви прават многу непријатно на кој било начин или имаат лошо влијание врз него.Од друга страна, ако нема голем проблем меѓу неговите пријатели и вас, но тие едноставно не се тип на личност со која вообичаено би се дружеле, нема потреба да ги критикувате. Тоа што не делите заеднички интерес со нив е целосно ваша работа. Вашиот партнер ги сака и ги цени овие луѓе и сака да поминува време со нив. Во ваква ситуација, задржете го вашето мислење за себе и оставете го партнерот да ужива во друштво на луѓе кои му одговараат, а запомнете дека меѓу вашите пријатели сигурно има некој кој не му одговара, но дипломатски го задржал за себе.
3. КОГА НЕ ВИ СЕ ДОПАЃА НЕГОВИОТ ПОДАРОК
Ова е ситуација во која секогаш мора да бидете дипломатски. Понекогаш е тешко да се најде подарок дури и за личноста која најдобро ја познавате на светот. Кога знаете дека подарокот е купен од срце и гледате дека вашиот партнер е многу возбуден поради тоа, само заблагодарете му се и запомнете дека намерата е всушност поважна од самиот подарок.
Коментари
Остави Коментар