Во сите постои вродена маана дека сите одлуки кои ќе ги донесеме да ги преиспитаме, или со други зборови, се јавува потенцијален сомнеж кој прави да сме несигурни во себе.

Баш тоа чувство на несигурност често нè спречува да ги исполниме своите соништа и да се придржуваме само до одредени ограничувања. Епа сето тоа е погрешно.

Да се ослободите од несигурноста многу често самото по себе е предизвик, како и остварувањето на некоја потешка задача. А често откако ќе ја совладаме несигурноста, задачата престанува да ни биде проблем затоа што ако очекуваме позитивен крај, многу е полесно да се стигне до него.

Кога се чувствуваме несигурно, не само што себеси се гледаме како неспособни за соочување со животните предизвици, туку и мислиме како не сме достојни за вистинска среќа. Се движиме низ животот мкислејќи дека сите околу нас нè сметаат за неспособни и неуспешни. Како резултат на тоа ја губиме својата моќ и без разлика какви одлуки и да донесеме сето тоа ни изгледа како лоша опција.

Ретко која личност може да се пофали со тоа дека никогаш не почувствувала несигурност.

Ако кај вас некогаш се појави тоа чувство на несигурност најпрво треба да го најдете и да го разберете нејзиниот извор. Пробајте да не се откажувате кога ќе наидете на првата препрека. Штом ја поминете тоа ќе ви даде дополнителна доза на сигурност и ќе ве натера да продолжите понатаму. Што повеќе тешки ситуации совладате, што повеќе тешки одлуки донесете без да побарате совет од некој, толку ќе бидете посигурни и појаки.

Прочитајте повеќе