На мажите им е запишано во гените дека мора да се докажуваат пред женските. Тоа е многу едноставно и природно. Во животинскиот свет постојат безброј примери за статусот на доминантниот мажјак, кој станува главен фраер во чопорот и има право на сите женки. Кај луѓето правилата се малку сменети (но, не премногу). Иако сме на едно повисоко развиено ниво од животните, мора да признаеме дека понекогаш машките методи на заведување навистина изгледаат животински.
Различни психолози, психијатри, антрополози, уметници со години се посветени на темата по прашањето: „Што е тоа што ги привлекува жените кај мажите“? Ќе наведеме неколку одговори за жените на ова прашање.

1. Индивидуалноста и доброто однесување
Иако не сме на избор за miss и овде индивидуалноста игра голема улога. Всушност, токму индивидуалноста на жената се наведува како најважна особина кај мажите која може да ги привлече или во истиот момент да ги одбие. Значи важно е како се однесувате и каков карактер имате. Најголем број на жени преферира самодоверливи и организирани мажи. Иако физичкиот изглед е тоа што најпрво се приметува, дури карактерот е тој што открива дали сме компатабилни со некого и дали ќе бидеме во состојба да поминуваме заедничко време со таа личност. Тоа на жените им е очигледно појасно, отколку на мажите.

2. Силни и крупни мажи
Повеќето жени преферират крупни и силни мажи. Колку и да се буните против ова, интимно сепак повеќето би посакале да бидат „понежниот пол“ и да имаат свој заштитник. Едноставно се работи за еволуција. Кога сте слушнале дека некој маж-неандерталец останал во пештерата, а жената-неандерталка отишла на лов за да го прехрани своето семејство? Тоа била работа на мажот-неандерталец (освен ако не бил некој легач па морала жената да се трка со дивите свињи во шумата).

3. Насмевката и очите
Ја знаете онаа „очите се огледало на душата“. Многу од жените „паѓаат“ на убави очи, но исто така и на убава и искрена насмевка. Но во реалноста жените буквално паѓаат од „здивот на устата“.

4. Семеен тип на маж
Повеќето жени го обожуваат семејниот тип на мажи. Нивната стрпливост со децата, љубовта, загриженоста и одговорноста ги плени. Чест одговор е „Важно е дека сака да има деца и дека сака да се скраси“. Всушност тука се работи за потребата од сигурност и да се има „мирно катче“. Иако со бунтовнички и нескротени мажи е постраствено и поинтересно, на крајот сепак се сè сведува на потребата од смирување на страстите и заедничкиот живот, каде обично надвладуваат овие „добрите“ мажи.

5. Добра смисла за хумор
Оваа особина скоро секогаш се наведува во одговорите на жените, кога е во прашање привлечноста. Мажот кој може добро да ги насмее секогаш добро поминува. Долгорочно гледано, многу е напорно да имаш покрај себе намуртено лице со лош смисол за хумор.

Прочитајте повеќе