Иако женските се познати како специфични личности, сепак не треба да се изостави фактот дека и машките знаат исто така да се доста специфични. Еве некои од работите коишто не се менуваат од генерација на генерација, а се сврзани со специфичната личност за машките, односно што секое машко очекува и посакува. 

Поддршка

Никој не ги сака улижувачите, но малку поддршка и разбирање, доколку планирате подолга врска се секогаш добредојдени. Така на пример, доколку има проблеми со шефот на работа дајте му до знаење дека го разбирате.

Сакаат кога им се восхитувате

Кога им се восхитувате исто така покажувате колку тој ви значи. Всушност оваа работа оди рака под рака со поддршката. Вашето восхитување ќе му даде впечаток како неговите успеси се големи и важни, како за него така и за вас. Доколку се работи за негов личен напредок, дадете му до знаење дека сте горди на него. Така врската ќе ја зацврстите уште повеќе.

Добра смисла за хумор

Уште една работа којашто се наоѓа на неговата листа е добрата смисла за хумор. Партнерите коишто почесто се смеат  остануваа подолго заедно, а нивната врска станува поквалитетна.

Дружељубивост

Само затоа што сте заедно не значи дека не ви е потребен остатокот од светот. Нормално е дека вие како партнерка ќе сте му на прво место, но на него ќе му е потребно и дружењето со неговите стари другари. Потрудете се тоа да го разберете и тој ќе ви врати два пати повеќе.

Слобода

Тој вас ве сака, но една од работите коишто најмногу ги мрази е да се влечете по него за секоја работа. Тоа што е со вас не значи дека треба да се оттргне од сите работи коишто ги правел пред вашата врска. Не е битно дали се работи за хоби или некоја друга работа, едноставно дајте му слобода да продолжи со работата што го прави среќен. Така ќе знае дека го сакате вистински, а тоа ќе ви го возврати на најсоодветен начин.

Прочитајте повеќе