Момците прозбореа и ги кажаа десетте работи кои најмногу ги иритираат кај девојките, а девојките упорно ги прават.

1. Зборува во шифри
Старото прашање: “А што мислиш ти?” е безвременски пример како девојките сакаат да ги преиспитуваат чувствата на својот партнер, да го доведат во искушенија и во безизлезни ситуации. Девојките мислат дека мажите се надарени со телепатија и можат да читаат мисли. Кога девојката ќе каже едно, таа меѓу редови мисли на друго. Тогаш таа смета дека вистинскиот маж би требало да знае што мисли и чувствува таа.
Навистина е патетична сликата на маж кој се поти да смисли вистински одговор на трик прашањето на жената. На момците не им преостанува ништо друго освен да “истресат некоја зелена” и да се надеваат дека ноќта нема да ја поминат сами!

2. Кога девојката глуми “светица”
На девојките им е дозволено да се забавуваат исто колку и момците. Тие треба да си најдат некој кој ќе го цени нивниот авантуристички дух. Девојките често се обидуваат да се прикажат во најдобро светло, па велат дека не го изневериле партнерот, кажуваат дека имале три пати помалку партнери отколку што навистина имале.
Вистинските момци можат да го поднесат минатото на својата девојка, па дури и ќе му биде мило што неговата партнерка не е “светица” како што изгледа.

3. Шопинг до смрт
Сите девојки кои фатиле некој од машкиот род кој го сака шопингот можеме да и речеме само едно: честито! Тие не мора да се справуваат со фактот дека момчињата мразат шопинг и мразат да одат по дуќани. На девојките шопингот им е како обред во кој со саати можат да разгледуваат разни крпчиња, да прабаруваат по еден тон облека со попуст или само да разгледуваат.
Мажите не можат! Ако навистина го сакате своето момче следниот пат однесете го со вас на шопинг само кога ќе направи нешто многу, многу лошо, па примерно казнете го.

4. Критикување на други девојки
Кога последен пат слушнавте дека некоја девојка и дала искрен комплимент на друга девојка. Тоа не може да се слушне, ама затоа без проблем се коментира нејзината тежина, лошата фризура и чевлите кои не одговараат со облеката. Да се даде комплимент на друга девојка, според женското размислување, значи потенцијална конкуренција. Затоа, следниот пат кога покрај вас ќе помине убава девојка, пофалете го нејзиниот убав задник, а вашиот партнер ќе биде пријатно изненаден.
Не мислете дека ако вие не коментирате за девојката која поминала покрај вас, тој нема ни да ја забележи. Тоа не е точно, момците (не)секогаш забележуваат!
 
5. Користење на сексот како оружје
Девојките најдобро знаат која е најголемата слабост на машкиот род, а знаат дека најдобро е да се нападне таму каде што жртвата е најслаба. Момчето е најлесно да го казните со ускратување на секс, а тоа е еден од начините девојките да ја покажат својата супериорност и способноста за контрола.
Ним сигурно би им било подраго да ги казните на било кој друг начин, само не со ускратување на основните човечки потреби, како што е сексот.

6. Изливи на љубомора
Малку од девојките остануваат имуни на името на поранешната девојка на нивното момче. Испитувањето на верноста на партнерот е омилено хоби на многу девојки.
Да се фатат за името на поранешната девојка, тоа е многу честа појава. Момците тоа ги иритира. Секако, ова не се однесува на случаите кога љубомората е оправдана.

7. Кога ќе станат премногу осетливи
Факт е дека девојките лесно се расплакуваат. Најлошо е што тие очекуваат од својот партнер да ги теши и со некое чудо да ја поправат веќе направената штета. Ако момците се во нешто лоши (не секогаш), тогаш тоа е тешење на расплакана девојка.
Далеку од тоа дека момците се нечувствителни, ама освен два-три збора утеха, тие не знаат ништо за тоа како да ја утешат девојката. Момците сакаат што девојките се ранливи, ама не сакаат секојдневно да се справуваат со река солзи за секоја ситница.

8. Девојката секогаш бара внимание
На многу мажи не им е јасно зошто девојките се фалат со независноста, а кога ќе се вљубат стануваат како кученца кои бараат мазење и внимание? Да не ја споменуваме потребата постојано да им се зборува дека се посебни. Девојката своето момче брзо го претвораат во емотивен бастун кој им служи за морално, ментално и емотивно потпирање.
Девојката која е 100% сигурна во себе одеднаш станува зависна од момчето. Секако, на момците тоа им го полни егото, ама повеќето сепак сакаат самоуверени девојки на кои не им треба неговата потврда да се чувствуваат посебно.

9. Влегување во просторот на партнерот
Двојките имаат инстинктивна потреба да го средуваат просторот на својот партнер и да ги присвојуваат неговите работи. Со други зборови, кога не му ја местат вратоврската тогаш сигурно прабааруваат по неговите алишта и бараат некоја маичка за по дома.
Замислете момчето исто така да прабарува во плакарот на својата девојка или да ја потстриже затоа што мисли дека и треба нова фризура. И посилниот пол има потреба од свој простор.

10. Зборување до исцрпеност
Машкото ја прашува девојката: „Како ти помина денот?“ и очекува информации само за најважните случувања во тој ден, а таа почнува монолог од половина час. Повеќето жени сакаат да зборуваат, ако им дадете повод, тие не престануваат.
Не е дека мажите не ги интересира што прави нивната подобра половина, само не мораат да го знаат баш секој детал.

Прочитајте повеќе