Одредени личности колку и да ви се допаѓаат и колку да изгледаат добро вие не смеете ни да помислите да ги поканите на состанок или нешто повеќе. За да си ја сочувате репутацијата, работата, парите, пријателството немој да се плеткате со овие личности:

Сестрата/братот на вашиот најдобар пријател/ка
Најчесто девојките кои ги познавате може да ви се допаднат. Но ако тоа е сестрата на вашиот пријател во првите два - три месеци сè би било во ред, а потоа ќе треба да се преселите во друг град, а воедно и нема да можете да разговарате со својот пријател за девојки и проблеми во врската, бидејќи има конфликт на интереси, a штом ќе и згрешите нешто, вашиот другар ќе ви сврти грб и ќе сака да ве убие од ќотек. Затоа е најдобро воопшто да не се вплеткувате во вакви ситуации.

Вашата секретарка
Постојат милион причини да не се впуштите во ваква врска. Пред сè може да имате проблеми дури и ако врската успее. Секогаш ќе се меша работата со задоволството и сите останати вработени ќе ве гледаат што правите и како се однесувате, а најлошо од сè е ако врската се прекине. Таа секогаш ќе може да ве озборува за сè што сте правеле заедно и целата компанија ќе знае за интимните детали.

Вашата бивша девојка
Ова сигурно сте го слушнале често, а зошто е така? Најчесто бившата девојка е најпривлечна кога се чувствувате осамени. Потсетувајќи се на убавите нешта што таа ги правела за вас може да се излажете повторно да влезете во врска со неа и да заборавите зошто сте раскинале. Но, откако ќе помине некое време, проблемите сигурно ќе се појават пак.

Стриптизета
Ова е најлошото можно сценарио. Таа не работи како стриптизета за да си ја плати школарината. Порано или подоцна ќе почнете да се однесувате како нејзин телохранител, сакајќи да и ја заштитите честа. Ако мислите дека љубомората не е нешто што може да ве мачи, почекајте да ја видите како изведува стриптиз на ергенска забава, тогаш се ќе ви стане јасно.

Бивша девојка на вашиот пријател
Можеби ќе бидете сведок на прекин на врската на вашиот најдобар пријател и неговата преубава девојка. Веднаш си помислувате зошто да не се обидам, таа е убава, се познаваме... Не, не, не, не! Ако сте вистински пријател избегнувајте вакви ситуации. Ако се решите за вакво нешто, за кратко време ќе се рашират муабети за тоа каков лош пријател сте. Без разлика што сте раскинале одамна, повеќе не сте пријатели и тој си нашол нова девојка, одговорот секогаш е не.

Скапа за „одржување“
Ако си ја цените машкоста и парите немој да влегувате во врска со женска која е скапа за „одржување“. Таа ќе ве сака во прво време и ќе ги троши вашите пари, а потоа ќе ве критикува бидејќи мислите само на работата и не сте воопшто забавен. Можеби ќе ви го пружи најдоброто време во животот, но не нешто што ќе трае цел живот.

Прочитајте повеќе