Прекрасно е да си вљубен, во врска, но понекогаш ти доаѓа како вистинско олеснување што не си во врска, особено кога љубовниот живот на твојот другар или другарка е сличен на некоја шпанска серија.

Можно е да знаеш на што мислиме. На пример, ти и твојата другарка сте на забава. Таа се скарала со дечкото, па ти си решила да ја однесеш на забава за да ја расположиш и вие супер се забавувате. Може така да биде цела ноќ, но на неа и текнува да те одвлечка од забавата за да ти плаче на рамо. Другарка ти е, па и го дозволуваш тоа и следните неколку часа слушаш како дечко и е идиот и нишаш со главата додека таа не заспие. Следниот ден и пристигнува СМС порака од дечкото, кое многу и се извинува, многу му е жал, ја сака и таа е целата среќна, блеска и зборува само за него и за тоа како тој е најпрекрасната личност на светот. (Токму поради ваквите промени на расположението пожелно е никогаш да не им кажеш на другарите и другарките нешто навредливо на сметка на саканата личност, бивша или сегашна, бидејќи другарите ќе ти се налутат тебе ако се смират со таа личност).

Постојаната приказна за „идеалниот дечко“ или „идеалната девојка“ тебе ти е подеднакво интересна како и неколку часовно плукање по него, но сепак, другар/ка ти е па мораш да слушаш.
А потоа тие двајца пак ќе се скараат и повторно почнува да плаче. А тогаш... Па веќе знаеш. Во такви ситуации можно е да уживаш што не си во врска. Тоа ти доаѓа како вистинско олеснување. Иако животот на твојата другарка ти личи како на вистинска драма или шпанска серија, особено ако во целата приказна постои и некој бивши, а ти во целата таа серија ја имаш улогата на доверителка на главната актерка.

Се радуваш затоа што не си во врска и заклучуваш дека баш е супер што имаш лична слобода, не се нервираш околу секоја ситница, а тоа што го слушаш постојаното жалење од другарка ти и изливите на воодушевување, ако ти здодеаа, можеш да го исклучиш мобилниот или да се ставиш ofline на фејсбук.

Навистина е супер да бидеш сама, слободна, да уживаш во забавите, флертот, да бидеш ослободна од шпанските серии... Барем до мигот кога ти ќе се вљубиш и ќе ти стане сосема нејасно како некој може да биде рамнодушен, додека ти се воодушевуваш на твојата нова врска или пак патиш по него.

Прочитајте повеќе