Се прашувам, зошто некои работи се случуваат случајно и тогаш кога најмалку очекувам... да имаше друг покрај мене, ме разбираше, ме сакаше, ми пружеше и другарство... тоа е љубов? Мислам дека да... љубов е, но само од негова страна... а зошто?! Затоа што јас никогаш не го почувствував тоа за него! Повторно сум се лажела самата себе си. Се прашувам зошто се лажам кога само тебе те сакам. Кога излегувам со самата помисла дека тебе ќе те видам... зошто не признавав (барем на самата себе си) дека ми недостигаш! Бев ладна кон сè и кон сите. Зошто се правев ”весела” кога никогаш не бев без тебе... можеби поради тој бес кој сите го чувствуваме кога не повредувале! Но како што велат ”искреноста ги отвара и железните врати”. Тоа е точно! А знаеш зошто?! Затоа што баш оваа вечер имав храброст и покрај сè да ти кажам дека никогаш не успеав да те заборавам, ти кажав искрено колку многу ме повреди и колку многу плачев за тебе, но уште поискрено ти кажав дека сеуште те сакам од дното на срцето! А ти само внимателно ме гледаше, ме посматраше, ми се насмевнуваше! Сигурна сум дека сакаше да ми кажеш нешто... нешто што не успеа да ми го кажеш и да ми го докажеш кога бевме заедно. Во твоите очи гледав нешто многу длабоко, осетив дека и ти имаш човечки чувства! Дека и ти имаш сеќавања кои што се поврзани со мене. Можеби сум наивна, можеби сум слепа... како што беше насловот (слепа љубов)... но повторно ти верувам! Изгледа нашата приказна нема крај... и верувај ми не сакам да има! Ме бакна и ништо не ми рече! И доволно ми беше! Тоа даде некаков знак... а сега, со цело мое срце ќе го чекам утрешниот ден... можеби не ми веруваш, но живеам за тој ден! Можеби утре ќе се осмелиш да ми кажеш и докажеш сè што се крие во тебе. А јас нормално, после тоа ќе бидам среќна како никогаш претходно, без да се залажувам самата себе си и без големиот бес кој владееше со мене. Вреди да си дадеме уште една шанса. И те молам, да дадеш сè од себе за да ме задржиш, да дадеш сè од себе како што јас дадов кога бевме заедно. Само тогаш уште една љубов ќе биде спасена. Не сакам да те заборавам, не сакам да живеам без тебе, сè е бесмислено, не сакам да не те сакам... сакам само да дадам уште една шанса! Кога е срцето во прашање, барем уште еднаш разумот нека молчи...

Прочитајте повеќе