Кога срцето ќе ти биде скршено, а душата пронемена од болка тогаш ќе сфатиш како ми е мене. Те сакам! Сфаќаш ли? Ова е еден од моите состави кои ги пишувам кога сум скршена од љубовта што всушност е многу сурова...
Поради некои случајности во животот подоцна страдас. Јас случајно те сретнав и се залубив во тебе... случајно ли ми рече дека и ти ме сакаш? Верувам во случајностите во животот, но сепак ни случајно не размисли дека те лажеа... но не случајно ли ми рече дека ме мразиш? Случајна ли беше грешката што ти ја направи? Некоја вечер случајно излези надвор, но кога ќе е дождливо и кога капките дожд ќе паѓаат со полна брзина за што побрзо да стигнат на земјата и да се изгубат некаде длабоко во неа, е тогаш повеќе од случајно обиди се да фатиш некоја од нив. Тие што ќе ги фатиш ќе ти покажат колку си плачел за мене, а тие останатите колку јас сум плачела за тебе... Што е, се плашиш, нели? Нема ли да се впуштиш во таков ризик? Можеби ти е страв дека нема да фатиш ниедна и вистината ќе излезе на виделина... Случајно собери храброст и направи нешто прекрасно што ќе го паметиш долго. Кога така случајно размислувам колку ли само сум се обидувала да те заборавам, но знам заборавот боли... Но не случајно ќе те паметам вечно. Дали по твоите зелени очи, по слаткото лице твое или по тебе како лицност. Случајно стана личноста на мојот живот. Ако случајно ти кажат дека до уништувањето на светот има уште само седум дена - што ќе направиш? Првиот ден дали за тебе ќе плачам, вториот ден ќе умирам ли од болното страдање, третиот ден ќе бидес ли спрема мене груб и мрачен? Само неколкуте дена што остануваат ќе ме сакаш ли или пак ќе ја осудиш мојата душа вечно по тебе да страда и после урнувањето на светот и кога ќе престанат нашите срца кои беа исполнети со љубов да чукаат и кое со секое отчукување на моето срце тоа го повторува името твое. Дали случајно тоа ќе го сториш? Случајноста ни ги вкрсти животите, но таа може и да нè раздели, сфаќаш ли? Случајно се заљубив во тебе, но длабоко, најискрено и чесно. Кога јас љубам, љубам без осет на годините коишто поминуваат, љубам со целото мое срце и душа, љубам до крајот на бескрајноста. Се така љубам јас, но сепак долго, искрено и вистински. Случајно ли беше што и поверува на личноста што те излажа? Таа не случајно го направи тоа. Го направи за да нè раздели и неслучајно мојот и твојот живот станаа мрачни и тажни бидејќи сме разделени и еден без друг го почнуваме секој Божји ден и го завршуваме со свечен, но исто така и тажен пречек на ноќта и паѓањето на мракот... а тоа нè боли и двајцата... Ти реков случајноста боли...

Прочитајте повеќе