Лековито дејство и примена:

Листовите имаат крвосопирачко, диуретично и противревматско дејство. Влијаат благотворно врз размената на хранливите материи и го намалуваат шеќерот во крвта. Тоа дејство се должи на витамините, солите на железото и други соединенија.

Се приложува при внатрешно крварење (крварење од матката, бубрежно и црнодробно крварење).

При екцеми кај деца, чајот од коприва помага многу. Екцемите во повеќето случаи имаат внатрешен причинител и тие треба да се лекуваат одвнатре со крвопрочистителни билки.

Копривата е најдоброто крвопрочистувачко и кровосоздавачко лековито растение. Бидејќи таа влијае врз панкреасот, го намалува шеќерот во крвта.

Бања со коприва помага при ишијас.

Благодарение на своите крвосоздавачки ензими, таа помага при слабокрвност, анемија и други тешки заболувања на крвта.

Благотворно влијае при песок во бубрезите и мочниот меур.

Во народната медицина, копривата се користи при ревматизам, забрзано чукање на срцето, вртење на свест, главоболка, епилепсија, хистерија, кашлица, гушење, водена болест, жолтица, дијабетес.

Надворешна употреба:

Пресна коприва се препорачува за парење при ревматизам и болки во зглобовите, за бања при кожни осипи, за ставање облози при воспалени лимфни жлези, при исекотини, рани, отоци.
Пресни листови, киснати 20 дена во маслиново масло (1:10) се употребуваат за мачкање на рани и изгореници.
Корен на коприва, со оцет и вода (1:10:5), варени 5 минути, се користи против првут и за растење на косата.

Внатрешна употреба:

2 супени лажици листови, се ставаат во 500 мл вода. Се вријат 5 мин. Се пие по 100 мл пред јадење, 4 пати дневно.
Семињата, заедно со деловите од врвот, се препорачуваат при дијабетес (2 суп.л. во 1 канче кисело млеко, се јаде три пати после јадење).
За јакнење на срцевиот мускул, се користат корените (по 1 суп.л. корени од коприва и крвен здравец се ставаат во 600 мл вода; се остава да врие 10 минути; се пие 4 пати на ден, пред јадење; се додава и мед)

Внимание! При берење, копривата предизвикува воспаление на кожата!

Да не се употребува при задржување на вода како резултат на оштетена срцева и бубрежна функција.

Прочитајте повеќе