Вежбањето и здравото јадење е многу важно, но подеднакво е важно да обрнеме внимание на нашето тело и да разбереме што му е потребно за да функционира на своето максимално ниво.

Лесно е да западнете во рутината на секој ден да се гледате во огледало и да се прашувате што друго можете да направите за да се ослободите од стриите, целулитот или вишокот сало на стомакот.

За почеток, важно е да се знае дека секое тело има различни потреби, вклучувајќи ги и нашите. Сите сме убедени дека најважно е да се ослободиме од вишокот масни наслаги на стомакот или да ги изгубиме несаканите килограми, но забораваме на фактот дека вежбањето и здравата исхрана се важни поради позитивното чувство кое се буди во нас.

„Од жените често се очекува да имаат совршени мерења и облини, без ни грам сало. Многу од нив се хранат здраво и вежбаат и, без разлика, имаат несовршености поради начинот на кој се градени“, изјави Шанел Варгас за Popsugar.

Варгас изјави дека кога е во прашање нејзиното тело, најдобро се чувствува кога јаде храна богата со протеини и хранливи материи, но одлично се чувствува и кога ќе изеде парче чоколадо или една страна помфрит. Сака храна која и дава енергија, што е добро за менталното здравје, кожата и општото здравје.

„Научете да го слушате вашето тело и што ви кажува. Јадете разновидно и бидете умерени во се, тоа е клучот за се. Не се замарајте со она што ни го наметнуваат другите. Вежбајте и хранете се здраво за себе, само за себе и за тоа прекрасно чувство што ќе ти даде, стави насмевка на твоето лице“ – рече таа на крајот.

Прочитајте повеќе