Внатрешниот мир е најважната ставка за духовно здравје, но и телесно бидејќи физичките болести се последица на нашата психолошка сосотојба. 

Затоа искористете го својот годишен одмор за да се обновите одвнатре и однадвор. 

Сталожените луѓе кои тешко можете да ги изнервирате, кои немаат кратки живци и кои знаат како да му се радуваат на животот и во тешки животни ситуации ќе пронајдат нешто добро, поседуваат внатрешен мир - императив на сите религии на секој човек.

 1.Прифатете што ви носи животот

Во животот се случуваат добри и лоши работи. Никој не ни ветил дека се ќе биде така фино и убаво.

Животот е полн со предизвици и искушенија. Кога ќе се случат работи за кои не сме сакале и кога ситуацијата не можете да ја промените, прифатете ја.

Во прифаќањето е моќта која ви дава понатаму да управувате со својот живот кога тој не оди во правецот по кој сакате. 

2.Не можете да ги промените луѓето околу себе, но можете себе

Кога човекот не би трошел енергија во настојувањето да ги промени луѓето во својата околина, туку ги прифаќа онакви какви што се, би имал многу повеќе енергија за работа на себе и за уживање во интеракција со други. Кога кај некоја личност воочите нешо што ве нервира, запрашајте се себе зошто е тоа така или можеби во таа друга личност препознавате тоа што кај вас самите не ви се допаѓа. На себе работете, не на другите.

3.Бидете благодарни

Иако во некои моменти на малодушност ви звучи како лоша реченицата„секогаш постои нешто на што можете да бидете благодарни“, безразлика што и да мислите тоа е навистина така.

Освестете ги малите работи или ситуации за кои можете да му се заблагодарите на Бога или на себе.

На пример, кога во сред летен ден дувне лесно ветерче или кога навечер ќе залади, заблагодарејте се на тоа мало олеснување. Заблагодарувајте се на луѓето околу вас, и на негативните работи кои ви се случуваат. Тие се тука за научите нешто и да ве направат посилни. 

 4. Потрудете се и фатете го изгрејсонцето

Изгрејсонцата се преубави, во себе носат живот, потенцијал. Тие раѓаат нов ден. Му делуваат на човекот како ослободување. Посебно ако сте на годишен одмор или некаде на море, разбудете се пред другите, прошетајте по плажата и уживајте во погледот. Тоа што ќе го направите рано наутро, ќе ви остане цел ден во главата. Нека тоа биде нешто убаво. 

5. Молете се, медитирајте, бидете со себе

 Доколку сте религиозна личност, сега е време да ја вратите својата духовност. Читајте, молете се, одете во црква, џамија, синагога или во природа. Медитирајте. 

Прочитајте повеќе