Таласотерапијата е идеалниот начин да го искомбинирате полезното со пријатното. Терминот доаѓа од грчкиот збор „thalasso” и буквално означува море. Или инаку кажано, омиленото брцкање во морето е не само релаксирачко, но и многу полезно по здравјето.

Но, лековитата сила на таласотерапијата не е само во морската вода, но и морските соли, алги и морската клима.

Што се лекува со таласотерапијата?

Таа е исклучително ефикасна при проблеми со белите дробови, кардиоваскуларниот и нервниот системи.

Минералите, витамините, солите и други полезни материи во морската вода и алгите ја подобруваат циркулацијата, обмената на материи, го прават имунолошкиот систем поотпорен и го поддржуваат хормоналниот баланс.

Таласотерапијата помага при екцеми, псоријаза и други кожни воспаленија, ја прави кожата мазна, го намалува и исчистува целулитот и има подмладувачки и детокс ефект.

Исклучително ефикасна е при ревматични заболувања, исчашувања, скршеници.

Прошетките во плиткото по брегот се полезни при раширени вени, а на луѓето, кои страдаат од алергии, добро им влијае морската клима, бидејќи има значително по мала содржина на алергени во воздухот.

Таласотерапијата е ефикасна исто и при косопад и себореја, има тонизирачки ефект и помага при стрес и депресија.

Знаете ли дека...

Лекувањето со морска вода е старо колку и светот и него го користеле древните кинези, римлјани, египќани, елени. За лековитата сила на морето говорат и Платон, Еврипид, Херодот, како и таткото на медицината - Хипократ.

Таласотерапијата е особено популарна во 18 век по крајбрежните градови на Франција и Великобританија.

Во крајот на 19 в. францускиот билог, Рене Кинтон, ја докажува врската меѓу крвната плазма и морската вода, така што утврдува дека белите крвни телца можат да живејат во морска вода. А, за време на 1899 г., францускиот д-р Луи Баго, го создава првиот центар за таласотерапија Roscoff, базиран на лечење со морска вода. 

Таласотерапијата не е сезонско лечење, така што, ако летото ви се чини многу далечно или просто немате можност да отидете на море, може да ја искористите здравата сила на морската вода во СПА центарите.

Прочитајте повеќе