Ако го сакате авокадото и го јадете во секоја прилика - го ставате на тост, од него правите разни намази, салати и гвакамола, тогаш дефинитивно ќе ви се допадне нешто слатко од него.

Кремастата текстура на ова магично овошје е одлична за правење смути, муси, па дури и сладолед. Лето е и сакаме само да се оладиме и да изедеме нешто лесно, па ако барате интересни и брзи рецепти за десерти кои лесно се подготвуваат, пробајте го следново.

Состојки: конзерва со полномасно кокосово млеко (добро изладено), две зрели авокадо (исечени на четвртинки), една зрела банана, три лажици мед, две лажици сок од лимон и неколку листови нане.

Подготовка: Пред да започнете со правење на сладоледот, ставете го правоаголниот калап во фрижидер и оставете го да отстои најмалку 30 минути. Измешајте го авокадото во блендер со голема брзина. Додадете го само густиот дел од кокосовото млеко со лажица - ќе ви требаат помеѓу 35 и 40 мл, во зависност од дебелината на масата. Ако е премногу густа, додадете повеќе. Во неа ставете банана, мед (а можеби и некој друг засладувач по вкус), сок од лимон и листови од нане. Мешајте додека не добиете густа кремаста маса. Смесата истурете ја во изладена тава, израмнете ја и ставете ја во замрзнувач најмалку четири часа. Можете да украсите со листови од нане или чоколадни чипови. Бонус совет: оставете го сладоледот да отстои на собна температура пет до десет минути пред да го послужите.

Прочитајте повеќе