Со секојдневните предизвици кои го изложуваме нашето тело може да го доведеме до различни повреди - дали тоа се спортски повреди или болки при пад.

Начинот на кој се однесувате кон болката, е од пресудно значење за процесот на заздравување.

Кога да користите лед?

Ладна терапија која е исто така позната како криотерапија, претежно се користи за лечење на болки предизвикани од воспаление. Ладните температури помагаат да се намали тек на крвта во повреденото подрачје, при што се намалу дополнителниот притисок ко се врши на мускулите и тетивите.

Со самото тоа се ублажува болката на тоа подрачје, бидејќи се намалува нервната чувствителност. Овде се вклучени повеќе спортски повреди како истегнување на зглобови и мускули, и било какви инциденти кои доведуваат до нагли акутни болки.  Повредите никогаш не се лечат со лед подолго од 20 минути. 

Кога да користите топлина?

Терапијата со топлина се користи за болки кои се поврзани со вкочанетост во зглобовите и мускулите, за разлика од отоци и воспаленија. Зголемената температура влијае на проткот на крвта во вените, односно испраќање на хранлив материјал и кислород во зафатеното подрачје.

На овој начин се подобрува движењето и флексибилноста, а воедно доаѓа до намалување на болката.

Топлотната енергија се користи најчесто кај хронични повреди или оние кои се присутни веќе некое време, а не се навремено санирани.

Кога сте дома, топлотната терапија можете да ја спроведете на два начини- со ставање на топол мокар пешкир на болното подрачје или топла купка, како и сува постапка со загревање на ткаенина на печка, што може да биде едноставно ефикасно. 

За разлика од ладната облога, топлата можете подолго време да ја држите на повреденото место. 

Прочитајте повеќе