Депресијата може да се јави од низа на различни причини. Ако се чувствувате немоќни во вашата врска, или пак преокупирани со одреден проблем, големи се шансите дека депресијата ќе ја нападне вашата емоционална состојба. Ако се чувствувате немоќни и искусувате темни расположенија или забележувате невообичаени негативни мисли за себе, другите и вашата иднина, можеби е време да проверите кои модели на комуникација во вашата врска можат да бидат причината за ваквата состојба. 

Знаците опишани подолу не треба да се игнорираат. За среќа постојат одредени акции кои можете да ги превземете за да справите со сите овие опасости. И запомнете препознавањето на кој било од овие знаци не значи дека вашата врска е осудена на пропаст. Но можеби треба да превземете нешто во врска со тоа, за вашето добро и за доброто на вашата врска.

Чувствувате доминација над вас

Депресијата може да се појави поради тоа што се чувствувате помали и помалку моќни од личноста со која комуницирате. Не сите разлики во поставеноста на моќта резултираат со депресија. На пример, кога родителот има поголема моќ во здравата врска помеѓу родител и дете, се додека ја користи таа моќ за да го негува детето, а не за да доминира над него се ќе биде во ред. Слично на ова, работодавците имаат моќ над вработените. Но во љубовните врски помеѓу две возрасни лица неопходно е моќта да биде пропорционално распределена.

Чувствувате како постојано да ве критикуваат 

„Не ми се допаѓа кога ја носиш косата така.“ „Не си требала да го купиш тој џемпер.“ Лошите критики секогаш прават да се чувствуваме лошо. Фидбекот не е лоша работа, но критиката е. Фидбекот е смирен начин на кој ви се соопштува дека нешто што правите е проблематично, и вообичаено изјавите почнуваат со „Јас“, како на пример „Јас мислам дека привлекуваш премногу внимание кога ја носиш така косата, а тоа ме прави малку несигурен…“ Спротивно на ова критиката најчесто се упатува со некој вид на осудување кое се чувствува во гласот, а тоа може да биде проблематично.

Партнерот ви кажува што да правите 

Кога некој се однесува со вас како да ви е шеф, тоа може да биде прилично деморализирачки. Дури и безопасните изјави како „Донеси ми ја солта“ можат да предизвикаат иритација, затоа што никој не сака да му кажуваат што да прави. Многу е подобро кога партнерот ве прашува, на што можете да одговорите со „да“ или „не“.

Вашиот партнер не е флексибилен 

Од диктирање на тоа што можете да правите во заедничкото време, контролирање на финасиите или одлучување со кого ќе се дружите, контролирачкиот став на партнерот може да предизвика чувство на депресија. Запомнете дека депресијата може да се јави кога се чувствувате немоќни. Кога партнерот ќе ви ја одземе моќта да донесувате лични одлуки, неговото однесување може да ве доведе до депресивни мисли.

Вашиот партнер е „секогаш во право“ 

Сосема е во ред вашиот партнер да биде во право, се додека тоа не е „секогаш!“. Ако ваквиот став на вашиот партнер значи дека тој не е способен да признае грешка, тогаш има проблем. Во една здрава врска треба да се уважуваат мислењата на двата партнери. Ова треба да важи без разлика на тоа дали одите на вечера или треба да одлучите каде ќе живеете. Ако вашиот глас не се важи ризикувате да се почувствувате немоќни и депресивни.

Вашиот партнер е депресивен 

Депресијата е заразна. Ако некој е депресивен, тој или таа имаат тенденција да го гледаат светот, кој ве вклучува вас, низ темни очила. Ако и вие го усвоите начинот на размислувате, може и вие да тонете емоционално.

Вашиот партнер лесно се иритира

Лутината шири токсична негатвина енергија. Оваа токсичност може да предизвика депресија кај лицата кои треба да ја поднесуваат оваа лутина. Бидејќи лутината е вознемирувачка и непријатна дури и кога не е директно упатена кон вас, па можете да замислите колку е токсична кога сте во врска со партнер кој е постојано иритиран.

Вашиот партнер ве повредува физички и емотивно

Злоупотребувањето може да се манифестира емоционално (кога партнерот е критички настроен, или има став со кој се обидува да ве контролира), вербално (кога ве нарекува со погрдни зборови или вика на вас), или физички (со буткање, фрлање работи или удирање). Сите овие форми на злоупотреба се недозволиви во љубовните врски. Потребата за повредување, било да е емоционално или физички, е спротивна на идејата за љубење, негување и имање интимна врска. Каква било форма на злоупотреба може да доведе до депресија. Почитувањето пак може да поттикне развој на позитивни чувства. Работите се толку едноставни.

Ако не сакате вашата врска да биде изворот на негативни и депресивни чувства (а кој би сакал), тогаш треба да погледнете дали препознавате некој од овие знаци и да разговарате со партнерот. Но направете го тоа внимателно. Жалењето и критикувањето можат да предизвикаат само контра ефект. Затоа бидете тактични со презентирањето на вашите чувства и потрудете се да поставите нови правила заедно. Доколку тоа не е возможно, имајте на ум дека вие секогаш треба да се ставате себеси на прво место

Прочитајте повеќе