Пред да те сретнам тебе најчесто ги гледав ѕвездите како паѓаат и си змислував желби, но кога најпосле те имав барем за миг во моите прегратки сите желби ми се исполнија. Но велат се што е убаво кратко трае и не погрешиле. Те посакував со години и кога најпосле те имав си дозволив да те изгубам. Зошто најмила зошто ли си замина, зошто ли ме остави сам да тагувам како скитник кој на светов те има само тебе, а сега нема ништо свое освен својата омраза кон другите кои изгледа како за се да му се виновни, а всушност јас сум оној кој што не заслужува да има никој на светов. Оваа лажна насмевка ме убива, полека умирам правејќи се дека во мојот живот се е совршено, кога всушност се чувствувам изгубено. Дај врати се и прегрни ме врати ми ја мојата искрена насмевка и помогни ми повторно да им верувам на луѓето како што некогаш им верував. Додека на другите суштества им треба храна и вода за да преживеат мене ми требаш само ти најмила. Врати се и исполни ми го со радост ова срце кое не те заслужува. Поминаа секунди минути, часови, денови, ноќи, месеци, години и сеуште не можам да го заборавам твоето ангелско лице кое штом ќе го погледнев ми даваше надеж за да продолжам понатаму без оглед на сите препреки во животот, а верувај ги имав многу, но кога бев со тебе животот ми беше само уживање. Се смеев и со прсти ти ја чешлав косата, не сум се насмеал не паметам од кога. Ми рече дека ќе останеш засекогаш со мене но сега само ретко се секаваш на мене а поминаа денови, години. Ако утре наутро не ги отворам очите не тагувај по мене туку радувај се за мене затоа што јас конечно се спасив од оваа агонија, од ова проклетство што ме прогонува откако замина ти, моја најмила. Којзнае што ќе биде утре со мене затоа запамети: можеш да ме сакаш. Можеш да ме мразиш. Но едно не можеш… Времето што го минавме заедно не можеш да го заборавиш. Затоа што дел од твојот живот и твојата младост ми припаѓа само мене. Ти ме сакаше со зборови а јас тебе со дела ти ја докажав својата љубов, те љубев најмила моја но те изгубив засекогаш. Така Бог сакал и јас не можам ништо против тоа освен да го замолам да ме земе на небото покрај себе каде што ќе можам барем да те гледам и чувам.

Прочитајте повеќе