Се препорачува да се јаде храна богата со омега-3 незаситени масни киселини и витамини Ц, А, Е и Д. За подобра меморија пресудно е спиењето, како и редовни физички активности и вежби за тренирање на меморија како крстозбори.Меморијата е ментална активност со која се потсетуваме на информации кои веќе сме ги доживеале или научиле во минатото. Тоа е сложен систем заснован на многу мозочни процеси и е клучен дел од нашите животи. Затоа е многу важно да го одржуваме здравјето на нашиот мозок за да ја подобриме меморијата, а во тоа можат да ни помогнат неколку природни лекови.
1. Јадете за вашиот мозок
Добрата и урамнотежена исхрана е неопходна за добра меморија. Важно е правилното снабдување со гликоза, што е клучно за циркулацијата во мозокот. Се препорачува да се јаде храна богата со омега-3 незаситени масни киселини, витамини Ц, А, Е и Д и минерали и влакна. Погодна е храна како риба, кромид, темен зеленчук и бобинки. Препорачливо е да се избегнува прекумерно внесување на храна богата со рафиниран шеќер, како и да се намали внесот на алкохол.
2. Обидете се со додатоци на омега-3
Омега-3 масните киселини се од витално значење за целокупната когнитивна функција и подобрување на меморијата, особено EPA и DHA, а тоа се омега-3 масните киселини кои се наоѓаат првенствено во рибите и алгите.
3. Бидете активни и вежбајте
Вежбањето е лек за телото и мозокот. Истражувањата покажаа дека аеробните и кардиореспираторните вежби ја зголемуваат белата и сивата материја во мозокот. Сивата материја е одговорна за повеќето процеси што се случуваат во мозокот.Физичката активност го зголемува снабдувањето на мозокот со кислород и го намалува ризикот од болести кои можат да доведат до губење на меморијата, како што се дијабетес и кардиоваскуларни болести. Најмногу можат да ви помогнат вежбите за кои е потребна поголема моторика, а доволно е и одење или трчање во природа.
Преку различни вежби за обука на меморија, ефикасно ќе ја одржиме менталната флексибилност и полесно ќе се потсетиме на информациите од нашата меморија. Примери за вежби може да бидат дополнување поговорки или народна мудрост, решавање крстозбори, цитирање зборови поврзани со одреден збор, внесување букви што недостасуваат итн.
Коментари
Остави Коментар