Што е подобро: да ви раскинат или вие да бидете личноста која ја прекинува врската? Сите ги сожалуваат оние на кои им раскинале, но никој не ги жали оние кои раскинуваат. А некогаш не е лесно да се раскине врска. Да се донесе одлука да ја раскинете врската е тешка задача, проследена со чувство на вина и депресија.

Ако не сте сигурни дали треба да останете во врската или да ја прекинете, поставете си ги овие прашања:

1. Дали се случила голема промена во мојот живот?
Преселба, промени во кариерата или болест - сите овие фактори можат да создадат проблем во врската. Ако сте под стрес или сте нервозни заради нешто друго не е фер да го обвинувате партнерот. Немојте да мислите дека ако излезете од врската ќе се решат и останатите проблеми.

2. Колку сум среќен/а?
Да се биде заљубен во партнерот и среќен цел ден е прекрасна теорија, но во праксата не е така. Многу луѓе претпоставуваат дека мора да се потполно среќни за да останат со партнерот. Но подобра стратегија е да прифатите 70% од времето поминато со партнерот. Ако 70% сте среќни во врската со партнерот, тогаш продолжете. Ако тој процент е помал, може да размислите за прекин.

3. Дали партнерот е насилен/а?
Насилното однесување се манифестира во повеќе форми. Физичко малтретирање и тепање, вербални навреди и најтешкото да се препознае - психолошкото насилство. Ова подразбира постојано контролирање, емоционални уцени, екстремна љубомора. Ако го препознаете партнерот во некое од овие однесувања, најдобро би било да си заминете од врската.

4. Дали доволно разговараме?
Некои луѓе (најчесто понежниот пол) мислат дека партнерот треба да ги препознае и разбере сите ваши проблеми и потреби без да му кажете ни еден збор. Но не е така, тешко дека вие и партнерот имате телепатски способности. Мора да постои добра комуникација за да имате успешна врска. Затоа пред да ја раскинете врската обидете се да разговарате и да му дадете шанса на партнерот да си ги исправи грешките.

5. Дали сум подготвен/а да се потрудам врската да опстане?
За да опстои некоја врска, особено кога е во криза мора партнерите да бидат спремни да поработат на неа. Ако и двајцата не се посветат на подобрување на заедничкиот живот, шансите врската да успее се мали. И запомнете делата кажуваат повеќе од зборовите.

Прочитајте повеќе