Тага и солзи во очите во оваа осамена ноќ. Тие мечтаат пак да ми се вратиш. Но, тебе те нема. Твоите чекори бегаат далеку од мојот поглед, бескрајно далеку. Ги гледам твоите црни очи, ги чувствувам како се топат во темнината во оваа бескрајна ноќ. Не ти реков ништо кога си замина. А отиде без поздрав. Не знам каде. Но знам, далеку од мене. Ако срцето и душата што ти ги дадов не се доволни да ти кажат дека сум твој, тогаш... нека останам заробен во тебе, сокриј ме од сé, од секого. Затоа што моиве очи посакуваат само тебе да те гледаат. Тебе и никој друг. Рацеве сакаат само тебе да те прегрнуваат. Тебе и никој друг. А моиве усни да не се разделат од твоите. Само со тебе. Со никоја друга, со никоја... Ако срцето и душата што тебе ти ги отстапив засекогаш - не ти се доволни, тогаш... ајде, дојди, зароби ме! Сакам вечно да сум со тебе, сакам вечно да сум со тебе.. затоа што те сакам повеќе од себе!

Прочитајте повеќе