Тој беше најголемиот фраер во цел град. Имаше голем мотор, беше убав, го биеше добар глас и сите девојки лудуваа по него. Додека таа беше од оние кои цврсто стоеа за земја и не ги покажуваше нејзините чувства спрема него иако потајно во нејзе сакаше да биде во неговата прегратка. По неа трчаа поголемиот број на момчиња, но никој не можеше да го освои нејзиното срце како што тој го освои, веднаш на прв поглед. Но, длабоко во себе, таа го криеше тоа.
Беше топол, прекрасен пролетен ден за прошетки. Реши да излезе во град не наслутувајќи што тој ден би можело да се случи. Го виде него, опкружен со една група девојки и срцето почна посилно да и бие. Ја забележа, се сепна и тргна кон нејзе. Целата трепереше. Не знаеше дали е сон или јаве. Но сепак остана цврсто на земја. Не се обиде ни малку да ги открие своите чувства. Се доближи до неа и таа одблиску можеше да ја види неговата прекрасна насмевка и неговите прекрасни црни очи. Со нежен и топол глас ја праша дали може да се запознаат. И ја подаде раката и го кажа неговото име, а потоа и таа нејзиното. Ја праша дали е слободна да одат на кафе, но таа го одби и му рече дека нема време. Му се насмевна, се збогува и си тргна. Сакаше тој самиот да трча по нејзе и со сите сили да го освои нејзиното срце иако тоа веќе му беше предадено. Тргна по нејзе и ја прашуваше кога друг пат би можеле да одат на кафе. Ништо не му одговори. Рече само дека судбината ќе го направи своето.
Следуваа врнежливи денови. Не го виде цела недела. Секогаш мислеше на неговата прекрасна насмевка и неговите прекрасни црни очи. Сонцето по втор пат ја зазеде својата улога на небото и ја примами да испадне со надеж дека повторно ќе го сретне. Тоа и се случи. Повторно и пријде. И повторно ја покани на кафе. Но, овојпат таа не можеше да го одбие. Беа на кафе, па на долга прошетка низ паркот, беа на плажата, водеа долги разговори, се шегуваа, се бркаа на долгата песочна плажа... Едноставно им беше прекрасно. Денот помина брзо и почна да се стемнува. Ја испрати до дома и и рече дека и наредниот ден повторно ќе го поминат заедно. Таа не занеше каде се наоѓа, како се вика, што прави...
Следниот ден беше исто. И наредните исто така... Така е и до ден денес. Тие двајца се заедно и среќни. Засекогаш.

Прочитајте повеќе